Ynghylch y cwrs hwn
Mae Lefel 1 mewn Therapi Harddwch yn seiliedig ar Safonau Galwedigaethol Cenedlaethol (EGC)
Bydd y cymhwyster hwn yn rhoi’r wybodaeth a’r sgiliau sylfaenol i’ch paratoi ar gyfer gyrfa fel therapydd harddwch. Drwy gydol y cymhwyster hwn byddwch yn sicrhau cyfrifoldeb i leihau’r risg i iechyd a diogelwch, paratoi a chynnal ardaloedd gwaith mewn triniaeth salon a chyfrannu at ddatblygu perthnasoedd gwaith effeithiol.
Byddwch yn cael eich goruchwylio gan staff a’ch asesu ar eich cymhwysedd.
Bydd eich unedau yn cynnwys nifer o wahanol sgiliau harddwch ymarferol gan gynnwys;
- Cyflwyniad i’r sector trin gwallt a harddwch
- Cyflwyno delwedd broffesiynol mewn salon
- Darparu triniaeth ddwylo sylfaenol
- Darparu triniaeth draed sylfaenol
- Gofal croen sylfaenol
- Rhoi colur sylfaenol
- Lechyd a diogelwch yn y salon
- Gweithio gydag eraill yn y sector trin gwallt a harddwch
Beth fyddwch chi’n ei astudio
Mae strwythur y cymhwyster hwn yn rhoi'r hyblygrwydd i ddysgwyr ddatblygu'r wybodaeth, y ddealltwriaeth a'r sgiliau yn dibynnu ar eu llwybr gyrfa dynodedig fel therapydd harddwch a sba iau. Bydd dysgwyr hefyd yn datblygu eu dealltwriaeth a’u sgiliau drwy ddewis nifer o unedau arbenigol dewisol. Bydd myfyrwyr yn cael eu goruchwylio gan staff technegol, ac yn cael eu hasesu ar eu cymhwysedd trwy nifer o ddulliau, gan gynnwys cymhwysedd ymarferol a phortffolio o dystiolaeth. Bydd myfyrwyr hefyd yn cwblhau arholiadau allanol a phortffolios Sgiliau Hanfodol.
Mae'r meysydd ychwanegol yr ymdrinnir â nhw yn cynnwys:
Llythrennedd a Rhifedd Sgiliau Hanfodol Cymru
Bagloriaeth Cymru - lle byddwch yn archwilio amrywiaeth eang o feysydd yn cynnwys gweithgareddau menter.
Bydd gofyn i fyfyrwyr gyflawni profiad gwaith fel rhan o'u cymhwyster llawn amser, a byddant hefyd yn cael cyfle i weithio o fewn amgylchedd masnachol prysur er mwyn datblygu eu gallu a sgiliau galwedigaethol.
Yn ychwanegol, bydd disgwyl i ddysgwyr brynu gwisg a chit i ymgymryd â’r cwrs - cost oddeutu £100 - £150
Ffïoedd cwrs
Ffi Salon: £15.00
Gofynion mynediad
Bydd angen: Sgan sgiliau boddhaol. Byddai’n fuddiol i ymgeiswyr feddu ar 3 TGAU (graddau D-F) neu Dystysgrif Lefel 1 (gyda gradd 'Pas' neu uwch). Byddwch yn mynychu digwyddiad cwrs i ddysgu mwy am eich pwnc a’r coleg.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Cyfleusterau
Mwy...
Mi wnes i lwyr fwynhau fy nghyfnod yn astudio yng Ngholeg Caerdydd a’r Fro, mae’n sicr wedi bod o gymorth i mi gyrraedd lle roeddwn i eisiau bod. Fe ddechreuais ar y cwrs Harddwch a Gwallt Lefel 2, cyn mynd yn fy mlaen i’r cwrs Harddwch a Therapi Spa Lefel 3. Yna, fe ddychwelais i gwblhau cwrs Uwch Estheteg Lefel 4. Roedd hi’n wych cael dysgu a chael profiad gwaith gwerthfawr mewn salon go iawn. Un o fy uchafbwyntiau oedd cystadlu mewn Cystadleuaeth WorldSkills a chipio’r ail wobr. Ers gadael, rwyf wedi sefydlu salon fy hun, ble rwyf yn cynnig amrywiaeth o driniaethau. Y flwyddyn nesaf byddaf yn mynd ymlaen i gyflogi technegydd ewinedd a therapydd harddwch i’m helpu i dyfu’r busnes a chynnig hyd yn oed mwy o wasanaethau i’m cleientiaid.
Rhagolygon gyrfa ac astudio pellach
£7.7billion
Gall myfyrwyr symud ymlaen i NVQ Lefel 2 mewn Therapi Harddwch neu Lefel 2 mewn Sgiliau Theatraidd neu Lefel 2 mewn Trin Gwallt.