Tystysgrif Sylfaen AAT mewn Cyfrifeg

Cyflwyniad i Gadw Cyfrifon

Mae’r uned hon yn darparu dealltwriaeth i fyfyrwyr o systemau cadw cyfrifon digidol ac â llaw, gan gynnwys y prosesau a’r dogfennau cysylltiedig. Bydd myfyrwyr yn dysgu am yr egwyddorion sylfaenol sy’n sail i’r system cadw cyfrifon cofnod dwbl, a bod systemau cyfrifeg digidol yn awtomeiddio rhai camau o fewn y broses.             

Egwyddorion Rheolaethau Cadw Cyfrifon

Mae’r uned hon yn ychwanegu at y wybodaeth a’r sgiliau a gafwyd o astudio Cyflwyniad i Gadw Cyfrifon, ac mae’n edrych ar gyfrifon rheoli, cyfnodolion a chysoniadau. Bydd myfyrwyr yn edrych ar nifer o brosesau a ddefnyddir ym maes cadw cyfrifon sy’n helpu i wirio a dilysu’r cofnodion a wneir. Mae’r prosesau hyn yn galluogi’r myfyriwr i ddeall pwrpas cyfrifon rheoli a chysoniadau cysylltiedig. Bydd myfyrwyr hefyd yn deall pam y defnyddir y cyfnodolyn hyd at ailddrafftio’r fantolen brawf, ar ôl gwneud addasiadau dechreuol.       

Egwyddorion Costio

Mae’r uned hon yn cyflwyno myfyrwyr i egwyddorion costio sylfaenol ac yn meithrin sylfaen gadarn o ran y wybodaeth a’r sgiliau sydd eu hangen ar gyfer costio mwy cymhleth a chyfrifeg rheoli. Bydd myfyrwyr yn dysgu am bwysigrwydd y system gostio fel ffynhonnell wybodaeth sy’n galluogi rheolwyr i gynllunio, gwneud penderfyniadau a rheoli costau. O safbwynt busnes, dylai myfyrwyr ddeall y prif wahaniaethau rhwng costio a chyfrifeg ariannol.                         

Yr Amgylchedd Busnes

Mae’r amgylchedd busnes yn ddeinamig ac yn newid yn sylweddol wrth i’r oes ddigidol symud ymlaen i hwyluso natur fyd-eang busnes. Mae’n hanfodol fod myfyrwyr yn ymwybodol o’r effaith y mae’r amgylchedd hwn yn ei chael ar sefydliadau, o unig fasnachwyr i gwmnïau mawr sy’n gweithredu mewn marchnadoedd lleol, cenedlaethol a byd-eang, a’u bod yn meddu ar y wybodaeth a’r sgiliau i’w galluogi nhw i weithio’n effeithiol.

Ffi Arholiad : £275.00

Ffi Cofrestru: £45.00

Ffi Cwrs: £785.00

4 TGAU gradd A*- C neu L2 ESOL neu IELTS 6.5. Bydd angen i chi fynychu cyfweliad ac ymgymryd ag asesiad sgiliau. Bydd dysgwyr aeddfed yn cael asesiad Iaith Saesneg a Mathemateg.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.