Diploma Uwch AAT mewn Cyfrifyddu

Ymwybyddiaeth Busnes


Wrth ddilyn yr uned hon, bydd myfyrwyr yn meithrin dealltwriaeth o fusnes, ei amgylchedd a’r dylanwad sydd gan hyn ar strwythur sefydliad, rôl ei swyddogaeth ariannol a’i berfformiad. Bydd myfyrwyr yn archwilio diben a’r mathau o fusnesau sy’n bodoli, a hawliau a chyfrifoldebau rhanddeiliaid allweddol. Bydd myfyrwyr yn dysgu beth yw amgylcheddau micro a macro-economaidd, a’r effaith a’r dylanwad y gall newidiadau yn yr amgylcheddau hyn ei gael ar berfformiad a phenderfyniadau. Bydd hyn yn cynnwys dealltwriaeth o’r gyfraith fusnes sylfaenol sy’n gysylltiedig â pharatoi datganiadau ariannol ar gyfer mathau gwahanol o bobl. Bydd myfyrwyr yn edrych ar gysyniadau risgiau, mathau o risg a rheoli risg ar gyfer busnes.


Bydd myfyrwyr yn deall pwysigrwydd moeseg broffesiynol a rheolaeth egwyddorol, a’r ffordd mae’r swyddogaeth ariannol yn gysylltiedig â swyddogaethau busnes allweddol eraill i wella effeithiolrwydd gweithredol. Bydd myfyrwyr yn cael cyfle i ddysgu am yr agweddau craidd ar y cod moesegol ar gyfer cyfrifwyr, ac yn defnyddio’r egwyddorion hyn i ddadansoddi a beirniadu sefyllfaoedd moesegol allai godi yn y gweithle. Byddant hefyd yn deall sut mae ymddwyn y foesol yn deillio o werthoedd personol a sefydliadol, yn ogystal â deall y fframwaith cyfreithiol a rheoleiddiol ar gyfer gwrth-gwyngalchu arian.


Cyfrifyddu Ariannol: Paratoi Datganiadau Ariannol


O fewn yr uned hon, bydd myfyrwyr yn datblygu’r sgiliau sydd eu hangen i gynhyrchu datganiadau ar gyfer elw neu golled, a datganiadau ynghylch sefyllfa ariannol ar gyfer unig fasnachwyr a phartneriaethau sy’n defnyddio balans prawf. O ran cyflogaeth, efallai y bydd yn rhaid i fyfyrwyr baratoi cyfran o’r cyfrifon terfynol, neu bob un. O fewn yr uned hon, cânt y wybodaeth ddamcaniaethol sydd ei hangen i gwblhau’r dasg honno. Bydd hefyd yn eu caniatáu nhw i ddeall sut mae cyfrifon terfynol wedi cael eu cynhyrchu, un ai â llaw neu’n awtomatig gan ddefnyddio meddalwedd cyfrifeg.


Technegau Cyfrifeg Rheoli


Drwy gwblhau’r uned hon, bydd myfyrwyr yn datblygu’r wybodaeth a’r sgiliau sydd eu hangen i ddeall rôl cyfrifeg rheoli mewn sefydliad, a sut mae sefydliadau’n defnyddio gwybodaeth gyffelyb i wneud penderfyniadau.


Bydd myfyrwyr yn edrych ar yr egwyddorion sy’n sail i dechnegau a methodoleg cyfrifeg rheoli, sut ymdrinnir â chostau mewn sefydliad, a pham bod sefydliadau’n ymdrin â chostau mewn ffyrdd gwahanol. Bydd myfyrwyr yn gallu adnabod dulliau gwahanol o ran cyfrifeg rheoli, a chynnig beirniadaethau gwybodus a rhesymegol i arwain y broses reoli. Byddant hefyd yn dysgu sut i ddefnyddio’r egwyddorion hyn, a gwerthfawrogi pa mor allweddol yw cyfrifeg rheoli effeithiol i unrhyw sefydliad.


Prosesau Treth ar gyfer Busnes


Drwy gwblhau’r uned hon, bydd myfyrwyr yn datblygu’r wybodaeth a’r sgiliau sydd eu hangen i ddeall rôl cyfrifeg rheoli mewn sefydliad, a sut mae sefydliadau’n defnyddio gwybodaeth gyffelyb i wneud penderfyniadau. Bydd myfyrwyr yn edrych ar yr egwyddorion sy’n sail i dechnegau a methodoleg cyfrifeg rheoli, sut ymdrinnir â chostau mewn sefydliad, a pham bod sefydliadau’n ymdrin â chostau mewn ffyrdd gwahanol. Bydd myfyrwyr yn gallu adnabod dulliau gwahanol o ran cyfrifeg rheoli, a chynnig beirniadaethau gwybodus a rhesymegol i arwain y broses reoli. Byddant hefyd yn dysgu sut i ddefnyddio’r egwyddorion hyn, a gwerthfawrogi pa mor allweddol yw cyfrifeg rheoli effeithiol i unrhyw sefydliad.


O ran TAW, bydd myfyrwyr yn dod i ddeall y rheolau cofrestru a datgofrestru, yn cynnwys cofrestru ar gyfer Gwneud Treth yn Ddigidol (MTD), a’r rheolau sy’n gysylltiedig â chynlluniau TAW arbenigol. Bydd myfyrwyr yn gallu adnabod y mathau gwahanol o gynnyrch a chyfrifo TAW yn gywir, gan ddeall pwysigrwydd y rheolau sy’n gysylltiedig ag adfer TAW wrth brynu a’r cosbau a sancsiynau ar gyfer camgymeriadau, hepgoriadau a methu â gwneud cyflwyniadau a thaliadau o fewn y cyfnod amser cywir. Bydd myfyrwyr yn gallu gwirio cywirdeb cyfrifiadau, anfonebau a phwyntiau treth, ac yn dysgu sut i gywiro camgymeriadau. Wrth ddysgu am gynnwys ffurflenni TAW, bydd myfyrwyr yn dod i ddeall sut i ddefnyddio rheolau arbennig pan fydd nwyddau a gwasanaethau’n cael eu mewnforio a’u hallforio o’r DU a’r Undeb Ewropeaidd (UE), a sut i ddethol y data priodol er mwyn cwblhau ffurflenni TAW.


Mewn perthynas â’r gyflogres, bydd myfyrwyr yn deall y prosesau ar gyfer busnesau sydd ynghlwm â chyfrifo cyflog a didyniadau, a chynnwys dogfennau ac adroddiadau a lunnir drwy ddefnyddio meddalwedd, yn ogystal â chyfnodau amser ar gyfer cyflwyno a thalu.

Cwblhau AAT Lefel 2 neu Cadw Cyfrifon Lefel 2 yn llwyddiannus, ynghyd â phrofiad masnachol. Efallai bydd angen ichi fynychu cyfweliad a chwblhau asesiad Sgiliau AAT yn llwyddiannus. Mae ffi aelodaeth AAT oddeutu £240 yn daladwy, ac mae angen ichi ei thalu’n uniongyrchol i AAT.

Mae'r asesiadau addysgu ar gyfer y cwrs hwn yn cynnwys pedwar asesiad ar gyfrifiadur.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.