Nod y cwrs yw datblygu gwybodaeth ddeallusol a dealltwriaeth o'r disgyblaethau academaidd a chysyniadau allweddol sy'n tanategu Cyflyru, Adferiad a Thylino'r Corff mewn Chwaraeon yn y DU a thramor.  Bydd myfyrwyr yn ymgymryd â modiwlau sy'n gwerthuso sail weinyddol paratoadau ac adferiad perfformwyr mewn chwaraeon.  Bydd myfyrwyr yn datblygu sgiliau technegol yng nghyflyru ac adfer perfformwyr chwaraeon ac amrywiaeth o feinwe meddal/dulliau tylino.  Nod y rhaglen yw galluogi myfyrwyr i gymhwyso egwyddorion ymarferion proffesiynol mewn amgylcheddau cystadleuol a heb fod yn gystadleuol yn ogystal â'u paratoi at gyflogaeth a/neu astudiaeth yn y dyfodol.

Bydd y cwrs wedi'i leoli yn Stadiwm Chwaraeon Rhyngwladol Caerdydd yn Lecwydd, sydd â chyfleusterau o'r radd flaenaf ac yn gwasanaethu fel canolfan ganolog ar gyfer darpariaeth chwaraeon y coleg.

Mae'r modiwlau yn ymdrin â'r meysydd pwnc canlynol:

• Chwaraeon a Gwyddor Ymarfer Corff
• Cryfder a Chyflyru
• Tylino mewn Chwaraeon ac Ymarferion Meinwe Meddal
• Anafiadau Chwaraeon ac Adferiad
• Ymarfer Ymchwil 
• Anatomeg ac Asesiad Clinigol 
• Datblygiad Proffesiynol 
• Addysgeg Chwaraeon Cymhwysol 
• Mentergarwch mewn Chwaraeon ac Iechyd 
• Dulliau amlddisgyblaethol at Chwaraeon ac Iechyd

Bydd y dulliau dysgu ac addysgu yn cynnwys darlithoedd, seminarau, gweithdai, sesiynau ymarferol a thiwtorialau. Defnyddir ystod o ddulliau asesu gan gynnwys aseiniadau ysgrifenedig, adroddiadau gwyddonol, cyflwyniadau, asesiadau ymarferol, asesiadau ar sail gwaith a phortffolios.

Defnyddir ystod o ddulliau asesu gan gynnwys aseiniadau ysgrifenedig, adroddiadau gwyddonol, cyflwyniadau, asesiadau ymarferol, asesiadau ar sail gwaith, portffolios ac arholiadau.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.

96 pwynt tariff UCAS o leiafswm o 2 gwrs Safon Uwch perthnasol (yn cynnwys Addysg Gorfforol ac un arall) neu Ddiploma Estynedig BTEC (QCF)/ Diploma Cenedlaethol BTEC (NQF).

I ymgeiswyr sy'n ymgymryd â'r Diploma Estynedig neu Genedlaethol, bydd cymwysterau eraill, profiadau a chyflawniadau chwaraeon yn cael eu hystyried. Ar gyfer mynediad ansafonol, cyfweliad llwyddiannus yn arddangos ymrwymiad i astudio, potensial academaidd a thystiolaeth o astudiaeth neu gyflogaeth ddiweddar. Ystyrir ceisiadau i'r cwrs ar sail unigol.

Gall cyfweliad llwyddiannus hefyd fod yn ofyniad i sicrhau lle ar y cwrs.