Ynghylch y cwrs hwn

Awyrofod yw un o’r diwydiannau sy’n tyfu gyflymaf yn y DU ac mae cyfleoedd cyffrous i weithio yng Nghymru a ledled y byd.Mae’r sector wedi gweld twf cyson yn y blynyddoedd diwethaf, ac mae’n cefnogi nifer cynyddol o swyddi sgiliau uchel, gwerth uchel.Os oes gennych angerdd am awyrennau, neu os ydych yn dymuno datblygu i fod yn beiriannydd gyda sgiliau peirianneg eang ac amrywiol sy'n berthnasol ar draws ystod eang o ddiwydiannau, yna mae'r cwrs hwn yn addas i chi.

Bydd y rhaglen yn cael ei chyflwyno yn ein Canolfan Ryngwladol Hyfforddiant Awyrofod.

Mae staff peirianneg profiadol sydd â phrofiad diwydiannol perthnasol yn y sector peirianneg awyrennol yn darparu'r hyfforddiant.

Beth fyddwch chi’n ei astudio

Bydd y pynciau’n cynnwys:

Prosiect Ymchwil
Rheoli Peirianneg Broffesiynol
Mathemateg Bellach
Systemau Rheoli Hedfan Awyrennau
Egwyddorion a Thechnoleg Gyriant Awyrennau
Systemau Afionig
Dyluniad a Pherfformiad Peiriannau Tyrbin Nwy Awyrennau

Mae cynllun y rhaglen yn fodiwlaidd a bydd myfyrwyr yn astudio'r hyn sy'n cyfateb i 120 credyd y flwyddyn academaidd (cyfwerth ag amser llawn).

Mae dulliau addysgu yn cynnwys darlithoedd, sesiynau rhoi gwybodaeth grŵp cyfan, gweithdai, tiwtorialau, gwaith ymarferol, ac e-ddysgu cyfunol a beirniadaethau grŵp.
Mae'r asesu ar gyfer y cwrs wedi'i gynllunio, lle bo'n bosibl, i efelychu'r amrywiaeth o dasgau y gall graddedigion o'r rhaglen ddod ar eu traws mewn cyflogaeth berthnasol.Lle bo angen, defnyddir dyfeisiau asesu academaidd eraill hefyd, megis arholiadau ffurfiol.
Bydd y gwaith ymarferol yn adlewyrchu technegau o’r byd go iawn y byddai ymarferwyr yn dod ar eu traws yn y diwydiant awyrofod.

Ffi'r cwrs fesul blwyddyn

Ffioedd Dysgu: £6,000.00

Gofynion mynediad

48 pwynt tariff UCAS
Dwy Lefel A yn cynnwys Mathemateg a phwnc technegol arall, (Ffiseg fel arfer) gydag o leiaf teilyngdod - Diploma Lefel 3 BTEC Cenedlaethol neu Ddiploma Estynedig mewn pwnc perthnasol,
Efallai y derbynnir cymwysterau lefel 3 eraill.
Efallai caiff myfyrwyr gyda phrofiad gwaith perthnasol eu heithrio rhag gofynion mynediad cyffredin.
Mae'n rhaid i holl fyfyrwyr fod yn gymwys mewn Saesneg iaith at safon gyfwerth ag o leiaf gradd 4 (neu C) mewn Saesneg TGAU.
IELTS 5.5

Pwyntiau pwysig

Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.

Gwybodaeth allweddol

Dyddiad dechrau

16 Medi 2024

Dyddiad gorffen

16 Mehefin 2028

Amser o'r dydd

Yn ystod y dydd

Rhan Amser

7 awr yr wythnos

Lleoliad

Y Ganolfan Ryngwladol ar gyfer Awyrofod

Mapiau a Chyfarwyddiadau

Cod y cwrs

AERH5P50

L5

Cymhwyster

HND Aeronautical Engineering

Mae'r cwrs hwn wedi'i leoli ar gampws Awyrofod pwrpasol CAVC ger Maes Awyr Caerdydd. Mae'n cynnig profiad dysgu sy'n wirioneddol unigryw gydag ystafelloedd dosbarth 'â thema' ac uwch dechnoleg, gan gynnwys awyrendy ag awyren a gweithdai pwrpasol. Wedi'u cyfarparu ag offer, peiriannau a meddalwedd, mae'n cyflwyno'r dysgwr i'r amgylchedd proffesiynol a geir yn y diwydiant awyrofod a hedfan. Mae'r tiwtoriaid a'r technegwyr i gyd yn brofiadol yn y diwydiant, ac yn rhoi'r ddealltwriaeth a'r wybodaeth sydd ei hangen i baratoi'r dysgwr am gyflogaeth, astudiaeth bellach neu brentisiaeth. Mae gan y campws gaffi sy'n gweini bwyd poeth ac oer, ac yn cynnwys cyfleuster llyfrgell ac ystafelloedd TG ar gyfer eich prosiectau ymchwil.

123,000

Mae diwydiant Awyrofod y DU yn parhau i fod yn ail ar lwyfan y byd a’r mwyaf yn Ewrop, gyda throsiant o £35 biliwn, 123,000 o weithwyr uniongyrchol a 3,900 o Brentisiaid.

Ar ôl cwblhau'r HND yn llwyddiannus, mae hefyd yn bosibl gwneud ail / trydedd flwyddyn, sef gradd tair blynedd.

Gall myfyrwyr sy'n cwblhau eu hastudiaethau lefel 5 yn llwyddiannus adael gyda HNC mewn Peirianneg Awyrofod a byddant yn gallu symud ymlaen i gyflogaeth yn niwydiant y sector awyrofod.