Bydd pob dysgwr yn cwblhau tair uned graidd orfodol sy’n ymdrin yn gyfannol â chyflogaeth, sgiliau cyflogadwyedd ac arferion adeiladu cyffredinol yn y sector Adeiladu dros amser. Bydd angen i ddysgwyr hefyd ddangos datblygiad eu sgiliau cynllunio a gwerthuso o fewn maes adeiladu.

Bydd gofyn i ddysgwyr astudio'r arbenigedd Paentio ac Addurno yn y sector adeiladu. Bydd dysgwyr yn canolbwyntio ar ddatblygu’r wybodaeth, y sgiliau a’r ddealltwriaeth sydd yn y Safonau Galwedigaethol Cenedlaethol ar gyfer y grefft honno, yn ogystal â dyfnhau eu dealltwriaeth o sut mae arfer yn y grefft hon wedi newid, ac yn parhau i newid, dros amser.

Bydd unedau ymarferol i’w cwblhau yn cynnwys

• Paratoi arwynebau ar gyfer paentio ac addurno
• Gosod haenau arwyneb gyda brws neu rolbren
• Gosod Papur Wal

Bydd angen i ddysgwyr sy’n gwneud cais ar gyfer y cwrs hwn gael cyfweliad gyda staff arbenigol o fewn yr adran adeiladu.

3 TGAU gradd A* - C neu'n gweithio yn y diwydiant adeiladu ar hyn o bryd. Dymunol ar gyfer cwblhau Diploma L1. Mae'r cynnig yn amodol ar gyfweliad llwyddiannus gyda'r adran.

• Asesiadau ymarferol ac ysgrifenedig

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.