Protocolau ystafell lân

Mae cynnwys y cwrs hwn yn berthnasol i ystafelloedd glân ar gyfer gwaith cynhyrchu nanoraddfa.

Erbyn diwedd y cwrs, byddwch yn gallu:

• disgrifio'r gwahanol ddosbarthiadau o gyfleusterau ystafelloedd glân, o ISO1-9 a'r hyn sydd yn gyfwerth
• egluro pam mae ystafelloedd glân yn angenrheidiol a pham mae gwahanol fathau o ystafelloedd glân yn bodoli
• deall sut mae ystafell lân arferol yn gweithio
• gwybod beth yw'r egwyddorion sylfaenol sydd eu hangen er mwyn cael mynediad i amgylchedd ystafell lân a gweithio ynddo
• egluro pam mae'r egwyddorion hynny’n bwysig
• disgrifio risgiau iechyd a diogelwch cyffredinol gweithio mewn ystafell lân arferol
• gwybod sut i liniaru risgiau iechyd a diogelwch cyffredinol a delio gyda digwyddiadau diogelwch cyffredinol

Mae hwn yn gwrs ar-lein y gallwch ymgymryd ag o yn eich amser eich hun. Bydd yr hyfforddiant yn cymryd oddeutu un awr i'w gwblhau. Bydd y cwrs yn cael ei gyflwyno trwy amrywiaeth o weithgareddau ar-lein a rhyngweithiol megis fideos byrion, a phrofiad 3D rhithiol o ystafell lân, ac ymarferion profi-eich-gwybodaeth.

Bydd gennych fynediad am 1 mis o'r dyddiad y byddwch yn cyrchu'r deunyddiau dysgu am y tro cyntaf. Does dim elfen fyw ond mae yna gyfleuster sy'n galluogi i gwestiynau gael eu cyflwyno i'r tiwtor. Bydd y cwrs yn cael ei gyflwyno drwy lwyfan dysgu rhithiol y Brifysgol, Learning Central. Bydd eich manylion mewngofnodi unigol yn cael eu hebostio atoch ychydig ddyddiau cyn i'ch mynediad i’ch cwrs ddechrau. Bydd Tystysgrif Cwblhau CPD yn cael ei gyflwyno i ddysgwyr sy'n cyflawni 70% neu fwy yn y prawf ar ddiwedd y cwrs. Mae hwn yn brawf aml-ddewis.

Nid oes gofynion mynediad ffurfiol i'r cwrs hwn. Mae’r cwrs hwn wedi’i gynllunio ar gyfer unrhyw un o'r canlynol: · rhai sy'n newydd i'r diwydiant lled-ddargludo, neu rai sy'n ystyried gyrfa yn y sector · rhai sy'n gweithio yn y sector lled-ddargludyddion sy'n dymuno gwella eu gwybodaeth o'r hyn ddylid ei wneud, ac na ddylid ei wneud, mewn ystafell lân · rhai sydd â'u bryd ar ailhyfforddi i mewn i'r sector lled-ddargludyddion/ lled-ddargludyddion cyfansawdd · rhai sy'n cefnogi'r sector - er enghraifft cyflenwyr i'r sector a allai fod angen mynediad i'r ystafell lân · gweithwyr proffesiynol gyrfa gynnar neu ar ganol eu gyrfa sy’n awyddus i wella eu hunain neu gael newid gyrfa · graddedigion diweddar sy’n anelu at feddu ar sgiliau perthnasol i fynd i'r sector Rhaid i ymgeiswyr fod yn 18+ oed ac yn byw neu’n gweithio ym Mhrifddinas-Ranbarth Caerdydd, sy’n cynnwys Pen-y-bont ar Ogwr, Blaenau Gwent, Caerffili, Caerdydd, Merthyr Tudful, Sir Fynwy, Casnewydd, Rhondda Cynon Taf, Torfaen a Bro Morgannwg.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.