Teilsio Waliau a Lloriau gyda Phaentio ac Addurno - Cymhwyster Sylfaen mewn Adeiladu a’r Amgylchedd Adeiledig

Ynghylch y cwrs hwn

Mae'r cwrs Sylfaen mewn Adeiladu a'r Amgylchedd Adeiledig yn darparu cyflwyniad eang i adeiladu a'r amgylchedd adeiledig. Cafodd ei ddatblygu ar gyfer unigolion sy'n gweithio ar hyn o bryd, neu'n bwriadu gweithio yn y sectorau.

Mae wedi'i dargedu at y rhai sydd wedi gadael ysgol neu ddysgwyr sy'n dysgu yn seiliedig ar waith, mewn addysg bellach, ac yn y chweched dosbarth mewn ysgolion. Bydd y cymhwyster yn galluogi myfyrwyr i fynd ymlaen i astudio ystod o gyrsiau eraill ym maes adeiladu a BSE sy'n berthnasol i’r maes crefft sydd o ddiddordeb iddynt. Gellir ei ddilyn naill ai fel rhaglen ddysgu lawn amser a ddarperir fel arfer dros flynedd, neu fel rhaglen ddysgu ran amser fel rhan o fframwaith prentisiaeth. Bydd darpariaeth y cwrs yn rhannu ei sylw rhwng y ddwy grefft yn gydradd.

Paentio ac Addurno: Bydd y rhan hon o'r cwrs yn dangos i chi sut i baratoi arwynebau noeth a rhai sydd eisoes wedi'u paentio, a rhoi haenau dŵr a thoddol gyda brwsh a rholbren ar arwynebau syml. O fewn yr uned, dysgir sut i ddefnyddio offer mynediad a llwyfannau gweithio i gwblhau’r tasgau hyn.

Teilsio Waliau a Lloriau: Bydd y rhan hon o’r cwrs yn dangos i chi sut i gael dealltwriaeth a phrofiad ymarferol o deilsio waliau a lloriau yn y diwydiant adeiladu. Mae'r cymhwyster yn cynnwys ystod o sgiliau a thasgau ymarferol yn ymwneud â thorri a gosod teils waliau a lloriau.

Beth fyddwch chi’n ei astudio

Bydd pob dysgwr yn cwblhau unedau craidd sy'n eu cefnogi i ddatblygu gwybodaeth a dealltwriaeth gychwynnol o:
• gyflwyniad i'r sectorau adeiladu a'r amgylchedd adeiledig
• cylch bywyd yr amgylchedd adeiledig, a'r swyddi oddi mewn iddo, a'r dibyniaethau rhwng y bobl sy'n gwneud y swyddi hynny
• sut i hyrwyddo a chynnal iechyd a diogelwch drosoch chi eich hun ac eraill; a
• sgiliau cyflogadwyedd sy'n berthnasol ar gyfer gwaith yn y dyfodol.
Yn ogystal â'r unedau 'craidd' hyn, bydd dysgwyr yn astudio dau lwybr masnachu ac yn treulio amser yn dysgu sgiliau newydd, fydd yn cynnwys cynllunio, perfformio, a gwerthuso tasgau cyffredin.

Byddwch yn astudio yn ein canolfannau adeiladu sydd â chyfleusterau pwrpasol. Mae'r rhain yn cynnwys dosbarthiadau ar gyfer gwaith theori a gweithdai penodol i ddiwydiant enfawr lle byddwch yn datblygu eich sgiliau ymarferol bob wythnos gan ddefnyddio offer safonol y diwydiant.

Bydd eich asesiad cwrs yn cynnwys aseiniadau gosod a ddefnyddir i fesur eich datblygiad sgiliau ac asesiad diwedd blwyddyn, gan gynnwys profion sgiliau ymarferol ac arholiadau ar-lein.

Yn ychwanegol mae gofyn i ddysgwyr gael eu hesgidiau diogelwch eu hunain cyn dechrau’r cwrs. Gellir prynu’r esgidiau hyn gan unrhyw fanwerthwr.

Gofynion mynediad

Pwyntiau pwysig

Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.