Mae'r cwrs hwn wedi'i gynllunio ar gyfer oedolion sy'n dysgu.
Nod y cwrs yw datblygu’r sgiliau sydd eu hangen i ymgymryd â chyrsiau eraill, sicrhau gwaith a datblygu eich gyrfa. Byddwch yn gwella eich sgiliau cyfathrebu, yn gwella eich hyder a’ch cymhelliant.
Fel rhan o'r cwrs hwn, byddwch yn gwella eich sgiliau siarad a gwrando, darllen ac ysgrifennu. Mae’r cwrs hwn yn ymdrin â gramadeg, atalnodi a sillafu. Byddwch yn dysgu sut i ysgrifennu llythyrau ffurfiol, erthyglau a thaflenni.
Ffi Cofrestru rhan amser: £10.00
Caiff y cymhwyster ei asesu drwy asesiad dan reolaeth. Bydd dysgwyr yn cwblhau hyn wrth fynychu’r coleg, dan amodau a oruchwylir.
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Bwriad cymwysterau Sgiliau Hanfodol Cymru yw cefnogi dysgwyr wrth iddynt geisio gwella eu sgiliau rhifedd, llythrennedd, digidol a chyflogadwyedd.
Dylai cyflawni’r cymwysterau hyn wella hyder a chymhelliant dysgwyr, a bydd y sgiliau maent yn eu hennill yn werthfawr wrth ddysgu, gweithio a bywyd cyffredinol yn y dyfodol.