Mynediad i Nyrsio a Bydwreigiaeth
Ynghylch y cwrs hwn
Mae ein cwrs Mynediad i Nyrsio a Bydwreigiaeth yn berffaith i’r rheiny sy’n awyddus i ddilyn gyrfa mewn nyrsio. Lluniwyd y rhaglen i drosglwyddo’r sgiliau a’r wybodaeth y mae dysgwyr eu hangen i fynd ymlaen at addysg uwch, gan astudio’n rhan amser dros ddwy flynedd. Ar ôl cwblhau'r cwrs yn llwyddiannus, bydd dysgwyr yn ennill cymhwyster Diploma Mynediad at Addysg Uwch. Mae hwn yn gymhwyster sy'n cael ei gydnabod yn genedlaethol, ac yn cael ei dderbyn ar gyfer mynediad i gyrsiau Addysg Uwch.
Beth fyddwch chi’n ei astudio
Mae’r cwrs hwn yn mynd i’r afael â Bioleg Ddynol, Astudiaethau Gofal a Gwyddorau Bywyd fel y prif bynciau. Bydd hefyd yn ofynnol i chi ddilyn pynciau craidd mewn Rhifedd, Cyfathrebu a Sgiliau Astudio. Cynhelir tiwtorialau wythnosol i gynorthwyo myfyrwyr yn ystod eu hastudiaethau.
Nodwch fod cymwysterau ychwanegol yn ofynnol ar gyfer rhai llwybrau gradd (e.e. TGAU Mathemateg/Saesneg Gradd B), ynghyd â chymhwyster Diploma Mynediad i AU. Sicrhewch eich bod yn cofrestru ar gyfer y ddarpariaeth briodol yn seiliedig ar y llwybr gadael a gynlluniwyd gennych - gellir trafod hyn yn ystod eich cyfweliad os dymunwch.
Os nad oes gennych eisoes y cymwysterau TGAU a bod angen y rhain ar gyfer y cwrs prifysgol o’ch dewis, efallai y byddwch yn dymuno ystyried ein cwrs gofal Cyn-mynediad.
Ffïoedd cwrs
Ffi Arholiad : £160.00
Ffi Cofrestru rhan amser: £45.00
Ffi Cwrs: £325.00
Gofynion mynediad
Mae TGAU Saesneg Iaith A* - C yn orfodol a rhaid darparu tystiolaeth cyn cofrestru. Canlyniad cyfweliad ac asesiad llwyddiannus - Lefel 1 mewn Mathemateg a Lefel 2 mewn Saesneg. Mae angen i ddysgwyr fod y tu allan i Addysg Ôl-orfodol am 3 blynedd cyn astudio. DS: Yn ystod y broses ymgeisio, gofynnir i ddarpar ddysgwyr y mae eu Saesneg yn ail iaith iddynt ddangos Sgôr IELTS o 6 yn gyffredinol (System Profi Iaith Saesneg Ryngwladol) mewn Saesneg llafar ac ysgrifenedig.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Rhan Amser
Cod y cwrs
Cymhwyster
Cyfleusterau
Mwy...
Rhagolygon gyrfa ac astudio pellach
Yn dilyn cwblhau’r cwrs, bydd modd i ddysgwyr fynd ymlaen i gyrsiau gradd Addysg Uwch mewn Nyrsio, Bydwreigiaeth ac amrywiaeth o gyrsiau astudio Gofal.
Angen gwybod
