Gwyddoniaeth Peirianneg Awyrofod

Dewch i dderbyn hyfforddiant i ddilyn gyrfa mewn Peirianneg Awyrofod – gyda chyfleoedd cyffrous i weithio yng Nghymru ac ar draws y byd. Mae ein holl gyrsiau Peirianneg Awyrofod wedi’u lleoli yn ein Canolfan Ryngwladol Hyfforddiant Awyrofod (ICAT). Mae’r ganolfan eiconig hon yn cynnwys gweithdai arbenigol, labordai a sied awyrennau enfawr lle byddwch yn datblygu’ch sgiliau ymarferol. Mae gan y Ganolfan gysylltiadau gwych â’r diwydiant. Golyga hyn y byddwch chi’n ennill y wybodaeth, y sgiliau a’r cymwysterau diwydiant angenrheidiol ar eich cwrs, yn ogystal â lleoliadau gwaith yn y diwydiant – a fydd yn eich paratoi ar gyfer gyrfa yn y diwydiant awyrofod.