Ailorffen Cerbyd (Canolradd)
Ynghylch y cwrs hwn
Mae'r Cwrs Ail-orffennu Cerbydau Llawn Amser hwn yn ymdrin â phrif agweddau Ail-orffennu Cerbydau (Peintio) ar Lefel Ganolradd (Lefel 2). Mae'r cwrs hwn wedi'i leoli yn ein Canolfan Fodurol o safon diwydiant ar Heol Dumballs. Ar ein safle rydym yn defnyddio cerbydau a phanelau go iawn, ac yn defnyddio offer sy'n debyg i'r rheiny a ddefnyddir mewn gweithdai cyrff cerbydau. Bydd ymgeiswyr hefyd yn defnyddio'r bwth chwistrellu ar gerbydau o'r radd flaenaf sydd wedi'i osod yn ddiweddar.
Beth fyddwch chi’n ei astudio
Mae'r cwrs yn cynnwys y Sgiliau a'r Wybodaeth ganlynol:
- Iechyd, diogelwch a chynnal trefn yn yr amgylchedd modurol
- Cymorth ar gyfer swyddi yn yr amgylchedd gwaith modurol
- Cyfarpar ac offer a ddefnyddir wrth ail-orffennu cerbydau
- Cymhwyso llanwyddion a deunyddiau sylfaen
- Paratoi wynebau metel ac wynebau sydd wedi'u rhag-beintio
- Atgyweirio mân ddiffygion peintio
- Gweithio gyda deunyddiau a chydrannau plastig
Mae'r prif gymhwyster yn ymdrin â nifer o'r elfennau a ddefnyddir yn y Brentisiaeth Ail-orffennu Cerbydau, a gellir ei ddefnyddio i gyflawni rhan o'r Fframwaith Prentisiaeth.
Mae'r cwrs yn cael ei rannu 50-50 rhwng y gweithdy a'r ystafell ddosbarth, ac yn rhoi sylfaen gadarn i'r myfyrwyr yn y modd y mae gweithdy cyrff cerbydau yn rhedeg, gan eu paratoi at gyflogaeth. Cynhelir y cwrs dros ddau ddiwrnod a hanner, gan ganiatáu amser i fyfyrwyr weithio weddill yr wythnos.
Mae'r cwrs hwn yn dilyn Rhaglen Maes Dysgu Modurol (LAP) ac fel y cyfryw, yn cynnwys Unedau Sgiliau Hanfodol a'r posibilrwydd o wythnos o brofiad gwaith gyda gweithdy cyrff cerbydau lleol.
Gofynion mynediad
Cyflawni Lefel 1. 3 TGAU Gradd A* - D gan gynnwys Mathemateg (neu gyfwerth).
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy...
“Bu astudio yn CAVC yn brofiad pleserus iawn. Mae gan y Coleg y cyfleusterau gorau yng Nghaerdydd a bu’n gymorth i mi wrth gyflawni fy nodau.”