Cwrs rhagarweiniol yw hwn sydd wedi ei ddylunio ar gyfer y rhai sydd wedi gadael yr ysgol ac eisiau mynd i’r maes iechyd, gofal cymdeithasol neu ofal plant. Mae’r cwrs hwn wedi ei ddylunio fel bod dysgwyr yn datblygu eu hyder, eu gwytnwch, a dealltwriaeth o hunanreoli wrth iddynt ennill sgiliau a gwybodaeth berthnasol i’r maes iechyd/gofal cymdeithasol/gofal plant.
Bydd myfyrwyr yn cael eu cyflwyno i ystod o fodiwlau ymarferol a damcaniaethol fydd yn cynnig i’r dysgwyr fewnwelediad i faes gwerth chweil gofal ac iechyd. Mae’r cwricwlwm yn cydnabod bod dysgwyr ar y cwrs hwn yn dechrau eu haddysg coleg gyda gwahanol brofiadau o fyd addysg, ac mae’r cwrs wedi ei ddylunio i ddatblygu eu gallu i gydweithio a gweithio’n annibynnol.
Meini prawf dilyniant: cwblhau eich cwrs presennol yn llwyddiannus a phresenoldeb o 90%.
Byddai ymgeiswyr yn elwa o gyflawni 3 TGAU ar radd E-G, gan gynnwys Saesneg Iaith. Fel arall, ystyrir ymgeiswyr ar sail cyfweliad a sgan sgiliau boddhaol, a'r rheiny sydd â'r awydd a'r ymrwymiad i gyflawni'r cwrs y dymunant ei astudio.
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Bydd myfyrwyr sy’n cwblhau’r cwrs hwn yn llwyddiannus yn gallu mynd yn eu blaen i gyrsiau Lefel 1 Iechyd a Gofal Cymdeithasol neu’n syth i lefel 2 ar gyfer y rhai sy’n ennill y lefel briodol mewn Cymwysterau Sgiliau Hanfodol.