Diploma mewn Cynhyrchu a Thechnoleg Cyfryngau Creadigol
Ynglŷn â'r cwrs
Mae'r Diploma Lefel 3 a'r Diploma Estynedig mewn Cynhyrchu a Thechnoleg Cyfryngau Creadigol wedi eu dylunio i roi'r wybodaeth, y sgiliau a'r ddealltwriaeth hanfodol i fyfyrwyr i gael mynediad at astudiaeth lefel gradd neu gyflogaeth yn y sector cyfryngau. Maent yn cynnig cyfle i'r rheiny sydd â diddordeb yn y cyfryngau i archwilio, datblygu a herio eu creadigrwydd o fewn strwythur cymhwyster sydd yn ysgogol ac yn heriol, ac yn darparu trawsnewid cefnogol o astudiaeth gyffredin i astudiaeth fwy arbenigol.
Pwyntiau UCAS a gronnwyd ar ôl cwblhau’r flwyddyn hon yn llwyddiannus:
Llwyddo = 36
Teilyngdod = 60
Rhagoriaeth = 84
Beth fyddwch yn ei astudio?
Byddwch yn astudio amrywiaeth o dechnegau cynhyrchu cyfryngau gwahanol, o gynhyrchu mewn stiwdio gyda llawer o gamerâu i gynhyrchu ffilm fer, technegau golygu fideo digidol, technegau ymchwil, ymwybyddiaeth feirniadol a chyd-destunol, strwythur diwydiant a chyfleoedd gyrfaol o fewn y sector.
Yn ychwanegol at eu prif gymhwyster bydd myfyrwyr yn astudio ac ennill achrediad Sgiliau Hanfodol Cymru.
Ochr yn ochr â hyn bydd dysgwyr yn astudio Bagloriaeth Cymru fel rhan greiddiol o'r rhaglen. Mae hyn yn cynnwys sesiynau tiwtorial ac e-diwtorialau wythnosol.
Gofynion mynediad
5 TGAU A*-C, gan gynnwys Iaith Saesneg neu Fathemateg neu Ddiploma Lefel 2 yn y ddisgyblaeth hon ar radd Llwyddo neu uwch. Mae'n rhaid i chi fynychu cyfweliad. Sylwer y gofynnir am waith portffolio yn ystod eich galwad sgrinio gychwynnol felly mae’n rhaid i chi gael y rhain yn barod cyn gwneud cais. Gall portffolio gynnwys unrhyw rai o'r canlynol: gwaith fideo, gwaith cyfryngau creadigol ysgrifenedig, sgriptiau wedi’u hysgrifennu, gwaith cyfryngau print.
Addysgu ac Asesu
Mae'r asesu yn gyfan gwbl seiliedig ar brosiect. Bydd myfyrwyr yn paratoi portffolio o dystiolaeth fydd yn cael ei gyflwyno ar adegau hanfodol yn ystod y flwyddyn. Cynhelir asesiadau cyfansymiol ar ôl cwblhau bob prosiect. Mae asesiad ffurfiannol ac adborth yn barhaus. Bydd myfyrwyr yn derbyn gradd pasio ar gyfer uned 1-7, a bydd eu gradd gyfansymiol derfynol yn seiliedig ar y gwaith maent wedi cwblhau ar gyfer Uned 8 - Prosiect Unigol. Bydd hyn yn cael ei raddio ar sail Pasio/Teilyngdod/Rhagoriaeth/Rhagoriaeth
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Cyfleusterau
Rhagolygon Gyrfa ac Astudiaeth Bellach
56,000
Gall myfyrwyr symud ymlaen i addysg uwch ar nifer o gyrsiau cysylltiedig o BA mewn Ffilm i BA mewn Effeithiau Gweledol, i BA Astudiaethau Sinema neu BA Cynhyrchu Cyfryngau. Yn CAVC rydym yn cynnig Gradd Sylfaen mewn Ffilm sy’n llwybr dilyniant gwych
Fel arall, gall myfyrwyr symud at gyflogaeth yn y sector cyfryngau, sydd yn ddiwydiant llewyrchus yma yng Nghaerdydd.