Sgiliau Gwaith Mynediad Galwedigaethol
Ynghylch y cwrs hwn
Mae ein cyrsiau Sgiliau Gwaith ar gyfer pobl ifanc sy'n gweithio tuag at gyflogaeth â chymorth neu gyflogaeth annibynnol. Bydd y dysgwyr yn cymryd rhan mewn amrywiaeth o wersi yn yr ystafell ddosbarth, prosiectau grŵp a lleoliadau gwaith, o fewn y coleg a gyda chyflogwyr lleol. Mae'r ymagwedd amrywiol yn darparu ein dysgwyr gyda'r sgiliau a'r wybodaeth i fod yn weithwyr hyderus a llwyddiannus, sy'n barod i wynebu'r farchnad swyddi.
Beth fyddwch chi’n ei astudio
Drwy gydol y flwyddyn academaidd bydd dysgwyr yn meithrin gwell dealltwriaeth ac yn cynyddu gallu, yn y meysydd a restrir isod.
- Hunanasesu a datblygiad personol
- Gweithio mewn tîm
- Entrepreneuriaeth
- Cyfrifoldebau a hawliau cyflogai
- Iechyd a diogelwch
- Paratoi ar gyfer lleoliadau gwaith a dysgu oddi wrthynt
- Adeiladu CV a gwneud cais am swyddi
- Adeiladu gwytnwch
Bydd disgwyl i ddysgwyr hefyd barhau i wella eu sgiliau hanfodol, gan gynnwys gweithio tuag at gymwysterau mewn Cymhwyso Rhif (AON) a Chyfathrebu (Comms).
Bydd dysgwyr yn cael cymorth i gynnal naill ai portffolios papur neu e-bortffolios, gan gofnodi eu cynnydd a'u cyflawniadau yn erbyn meini prawf asesu. Bydd disgwyl i ddysgwyr gynhyrchu tystiolaeth mewn amrywiaeth o ffyrdd, gan gynnwys gwaith ysgrifenedig, ffotograffau, clipiau fideos, bachau sain a ffeithluniau. Bydd y portffolios hyn yn cael eu hasesu ar ôl eu cwblhau. Bydd dysgwyr hefyd yn cael eu harsylwi yn gwneud gweithgareddau ymarferol drwy gydol y flwyddyn academaidd.
Oherwydd natur y cwricwlwm, mae'n fanteisiol bod dysgwyr yn meddu ar lefel dda o sgiliau byw'n annibynnol, er mwyn manteisio ar yr ystod lawn o gyfleoedd sydd gan y cwrs hwn i'w cynnig. Efallai y bydd dysgwyr sydd angen cymorth yn y maes hwn yn hoffi cael mynediad i'n cwrs Sgiliau Gwaith a Bywyd yn gyntaf, gyda'r nod o symud ymlaen i Sgiliau Gwaith yn y flwyddyn academaidd ganlynol.
Gofynion mynediad
Bydd angen ichi fod â’r awydd i symud ymlaen at waith annibynnol. Byddai ymgeiswyr yn elwa o fod â 3 TGAU Graddau E-G. Fel arall, ystyrir ymgeiswyr ar sail cyfweliad a sgan sgiliau boddhaol.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy...
O fy nghwrs Mynediad Galwedigaethol, byddwn wedi gallu symud ymlaen at gyrsiau coginio, gwyddoniaeth neu chwaraeon ymhlith eraill, ond dewisais gwrs cerddoriaeth. Roedd cael cynifer o gyfleoedd i ddewis o’u plith yn wych. Symudais ymlaen wedyn at Gerddoriaeth a Pherfformio Lefel 2 a Lefel 3. Fy ngham nesaf yw mynd i’r brifysgol.