Mae hwn yn gwrs cyflwyniadol sydd wedi'i gynllunio ar gyfer y rhai sy'n gadael yr ysgol ac sy'n dymuno ymuno â'r Diwydiant Gwallt a Harddwch. Mae'r cwrs yma wedi'i gynllunio fel bod dysgwyr yn datblygu eu hyder, eu gwydnwch, a'u dealltwriaeth o hunanreoleiddio wrth iddyn nhw ennill sgiliau a gwybodaeth sy'n berthnasol i weithio yn y diwydiant Gwallt a Harddwch.
Bydd y myfyrwyr yn cael eu cyflwyno i amrywiaeth o fodiwlau theori ac ymarferol a fydd yn cynnig cipolwg ar sut beth yw gweithio yn y diwydiant gwallt a harddwch. Mae'r cwricwlwm yn cydnabod bod dysgwyr ar y cwrs yma’n dechrau eu haddysg coleg gyda gwahanol brofiadau o addysg, ac mae'r cwrs wedi'i gynllunio i ddatblygu'r gallu i weithio ar y cyd ac yn annibynnol.
Byddai ymgeiswyr yn elwa o fod â 3 TGAU Graddau D-F. Fel arall, ystyrir ymgeiswyr ar sail cyfweliad a chipolwg ar eu sgiliau perthnasol, a'r rheiny sydd â'r awydd a'r ymrwymiad i gyflawni'r cwrs y dymunant ei astudio.
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Bydd dysgwyr sy'n cwblhau'r cwrs yma’n llwyddiannus gyda Chlod yn gallu symud ymlaen i gwrs mewn gwallt neu harddwch y flwyddyn ganlynol.