Bydd pob dysgwr yn cwblhau unedau craidd sy’n cynorthwyo dysgwyr i ddatblygu gwybodaeth ragarweiniol a dealltwriaeth o: cyflwyniad i’r sectorau adeiladu a’r amgylchedd adeiledig, cylch bywyd yr amgylchedd adeiledig, y swyddi sydd ynddo, a’r ddibyniaeth a welir rhwng pobl sy’n gwneud y swyddi hynny er mwyn hyrwyddo a chynnal iechyd a diogelwch eich hunan ac eraill; a sgiliau cyflogadwyedd sy’n berthnasol i waith yn y dyfodol. Yn ychwanegol at yr unedau ‘craidd’ hyn, bydd dysgwyr yn astudio dau lwybr crefft ac yn treulio amser yn dysgu sgiliau, gan gynnwys cynllunio, cyflawni a gwerthuso tasgau cyffredin.

Galwedigaethau gwaith trywel: Pwrpas yr uned hon ydy i ddysgwyr ddod i wybod sut i ddethol, storio a pharatoi deunyddiau ar gyfer gosod brics, blociau a cherrig a bydd yn datblygu sgiliau ymarferol i’w galluogi i gymysgu deunyddiau, trin a thrafod, storio a phentyrru deunyddiau yn barod i’w defnyddio. Bydd y dysgwyr yn datblygu’r sgiliau sydd eu hangen i osod briciau, blociau a charreg ar linell ac yn datblygu sgiliau i fesur, lefelu a chymhwyso llinellau plwm i’r gwaith. 

Galwedigaethau gweithrediadau adeiladu: Pwrpas yr uned hon ydy i ddysgwyr ddod i ddeall y gofynion o ran gwybodaeth, y camau cynllunio a’r sgiliau angenrheidiol ar gyfer tasgau cyffredin mewn gweithrediadau adeiladu a pheirianneg sifil . Bydd yr uned hon yn galluogi’r dysgwr i ymarfer sgiliau a ddefnyddir mewn gweithrediadau adeiladu a gwasanaethau peirianneg sifil: diogelu safle, palmantu modiwlaidd (palmantau bloc, gosod slabiau), draenio a gwaith concrit.

Rhaid bod gan ymgeiswyr dri TGAU A* - D neu fod yn gweithio ar hyn o bryd yn y diwydiant adeiladu.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.