Therapïau Cyflenwol
Ynglŷn â'r cwrs
Mae ein Diploma Lefel 3 VTCT mewn Therapiau Cyflenwol yn gymhwyster galwedigaethol sy’n rhoi’r wybodaeth, y ddealltwriaeth a’r sgiliau i ddysgwyr weithio fel therapydd cyflenwol cyflogedig a/neu hunangyflogedig. Mae dysgwyr sy’n cwblhau’r cwrs hwn yn gymwys i gofrestru gyda’r Cyngor Gofal Iechyd Cyflenwol a Naturiol (CNHC), sef y rheolydd gwirfoddol a gefnogir gan y llywodraeth ar gyfer y sector. Mae cofrestriad CNHC yn orfodol i bob therapydd cyflenwol sy’n gweithio yn y GIG.
Bydd yn ofynnol i'r holl ddysgwyr wisgo Cyfarpar Diogelu Personol bob amser yn y salonau a'r clinig. Rhaid gwisgo gwisg lawn, a bydd yn rhaid i'r dysgwr ei phrynu. Mae hyn yn cynnwys tiwnig, trywsus ac esgidiau gwastad caeedig.
Darperir y canlynol gan y coleg:
-
Gorchudd Wyneb
-
Feisor
-
Ffedogau Plastig
-
Menig Llawfeddygol
Beth fyddwch yn ei astudio?
Mae’r cymhwyster hwn yn cynnwys aromatherapi, tylino, adweitheg, egwyddorion busnes, egwyddorion ac ymarfer therapïau cyflenwol gan gynnwys iechyd a diogelwch ac anatomeg, ffisioleg a phatholeg. Bydd myfyrwyr yn cael eu goruchwylio gan staff a’u hasesu ar eu cymhwysedd yn ddamcaniaethol ac yn ymarferol. Byddant hefyd yn cael eu hasesu trwy nifer o ddulliau sy’n cynnwys asesu parhaus, cymhwysedd ymarferol, astudiaethau achos, E-bortffolio, arholiadau allanol a phortffolio sgiliau allweddol. Mae'r meysydd ychwanegol yr ymdrinnir â nhw yn cynnwys: EDI, Cymraeg, Sgiliau Allweddol mewn Llythrennedd Digidol a Chyflogadwyedd.Bydd gan ddysgwyr y cyfle i weithio o fewn amgylchedd masnachol prysur er mwyn datblygu eu sgiliau a’u cymhwysedd galwedigaethol.
Mae ffioedd ychwanegol yn cynnwys: £30,000 ffi Salon yn ogystal â Chit a Gwisg - i’w cadarnhau
Gofynion mynediad
Isafswm o 3 TGAU Graddau A i D gan gynnwys Saesneg neu gymhwyster Lefel 2 neu gyfatebol. Mynediad drwy gyfweliad. Sylwer: bydd rhaid i ni weld canlyniadau eich cymwysterau a'ch tystysgrifau cyn bod modd i chi gofrestru. 1 geirda (os ydych chi'n gadael yr ysgol neu'n fyfyriwr ar hyn o bryd, mae angen geirda gan diwtor y cwrs).
Addysgu ac Asesu
- Asesiad parhaus gan gynnwys asesiadau ymarferol ac arholiadau
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Cyfleusterau
Mwy
"Rwy’n mwynhau fy nghwrs oherwydd mae’n cymryd lle mewn salon byd go iawn ac rwy’n cael profiad gwaith gyda ddigon o gyfleusterau.”
Rhagolygon Gyrfa ac Astudiaeth Bellach
£7.7billion
Mae cyfleoedd gyrfa fel therapydd cyfannol ar gael mewn sawl cyd-destun, gan gynnwys salonau harddwch, spa, hunangyflogedig, llongau mordeithio a chartrefi gofal. Er mai nod pennaf y cymhwyster yw paratoi dysgwyr ar gyfer cyflogaeth fel therapydd cyfannol, gall dysgwyr ddewis symud ymlaen i’n HND mewn Gofal Iechyd Cyfannol.