Rhowch hwb i'ch Hyder Digidol gyda'n cwrs Cyflwyniad i Sgiliau Hanfodol TG ac Excel.
Mae’r cwrs hwn wedi’i ddylunio i’ch helpu i deimlo’n hyderus gydag adnoddau digidol bob dydd. P’un a ydych eisiau creu taenlenni syml, cadw trefn ar gyllideb eich teulu, neu’n syml, ymgyfarwyddo â sgiliau digidol bywyd real, mae’r cwrs ymarferol hwn yn fan cychwyn perffaith.
Os oes gennych gwestiynau, anfonwch e-bost i: community@cavc.ac.uk
Hyblyg i Fodloni Eich Anghenion: Mae'r cwrs wedi’i deilwra ar gyfer anghenion y grŵp, gan sicrhau bod pawb yn gallu dysgu ar eu liwt eu hunain a chanolbwyntio ar y meysydd fwyaf perthnasol iddynt hwy. Byddwn yn cynnwys sgiliau allweddol TG a hanfodion Excel, gan ddarparu profiad ymarferol a chefnogaeth bersonol i hybu eich hyder digidol.
Bydd y cwrs hwn yn rhedeg yn Neuadd Llanrhymnu (i bobl sy'n dechrau ar 8fed Mai 2025) a Chanolfan Treftadaeth CAER (i bobl sy'n dechrau at 12fed Mai 2025).
Gallwch gyrraedd Neuadd Llanrhymnu ar Fws 49 ac 102. Mae parcio ar gael yno hefyd.
Gallwch gyrraedd Canolfan Treftadaeth CAER ar Fws 15, 17 ac 18. Mae bysiau yn rhedeg bob 5-10 munud.
· Cymhwyso sgiliau’n ymarferol
· Trafodaethau
Oedolion 18+ oed
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dilyniant i astudiaeth bellach yn CCAF.