Cyn-Mynediad i Nyrsio, Gwaith Cymdeithasol, ac Addysg Gynradd

Bydd y cwrs yn cael ei astudio un diwrnod yr wythnos am 32 wythnos. Mae wedi’i gynllunio’n benodol ar gyfer y rheiny sydd eisoes yn gweithio yn y Maes Gofal ac yn awyddus i gael gyrfa mewn Nyrsio/Bydwreigiaeth, Gwaith Cymdeithasol neu Addysg Gynradd yn y dyfodol.

Rhoddwn ystyriaeth unigol a gofalus i bob cais. Nid oes angen unrhyw gymwysterau ffurfiol i ymuno â’r cwrs hwn, ond rydym yn chwilio am unigolion sydd wedi bod allan o addysg ffurfiol am gyfnod ac sydd â sgiliau llythrennedd a rhifedd priodol sy’n dangos eich bod yn barod ar gyfer y cwrs hwn (byddwn yn eich helpu i brofi hyn yn y cyfweliad).

Rydym hefyd yn disgwyl gweld sgiliau rhyngbersonol da, ymrwymiad i'r maes astudiaeth a brwdfrydedd a dealltwriaeth o'ch llwybr gyrfa dewisol.

Bwriedir y cwrs hwn ar gyfer y rheiny sydd eisoes mewn cyflogaeth, ond ystyrir y rheiny sydd yn dymuno cael gwaith yn y maes.

Ffi Arholiad : £100.00

Ffi Cofrestru rhan amser: £40.00

Ffi Cwrs: £75.00

Rhoddwn ystyriaeth unigol a gofalus i bob cais. Nid oes angen unrhyw gymhwyster ffurfiol arnoch i ymuno â'r cwrs hwn, ond bydd yn rhaid i chi arddangos sgiliau priodol mewn llythrennedd a rhifedd, a fydd yn cael eu hasesu mewn cyfweliad. Yn dilyn canlyniadau eich asesiad efallai y bydd angen i chi gwblhau cwrs gloywi/uwchsgilio mewn llythrennedd, rhifedd neu'r ddau. Os felly, bydd angen darparu tystiolaeth o gwblhad cyn cofrestru ar y cwrs. Rhaid i ddysgwyr fod wedi gadael addysg llawn amser ers 3 blynedd cyn astudio’r Cwrs hwn. DS: Gofynnir i ddarpar ddysgwyr sydd â’r Saesneg fel ail iaith feddu ar Gymhwyster ESOL Lefel 1.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.