Mynediad i Nyrsio a Bydwreigiaeth
Ynglŷn â'r cwrs
Mae ein cwrs Mynediad i Nyrsio a Bydwreigiaeth yn berffaith i’r rheiny sy’n awyddus i ddilyn gyrfa mewn nyrsio. Mae’r rhaglen hon yn dechrau ym mis Ionawr. Fe’i cynlluniwyd i roi’r sgiliau a’r wybodaeth y mae dysgwyr eu hangen i fynd ymlaen i addysg uwch. Dyma gwrs dwys felly rhaid i'r ymgeiswyr fod yn sicr eu bod yn barod ar gyfer gofynion academaidd a baich gwaith y rhaglen. Ar ôl cwblhau'r cwrs yn llwyddiannus, bydd y disgyblion yn ennill y cymhwyster Diploma Mynediad at AU. Dyma gymhwyster a gydnabyddir yn genedlaethol sy'n cael ei dderbyn ar gyfer mynediad i gyrsiau Addysg Uwch. Sylwer: Dylai’r dysgwyr sy’n astudio cyrsiau Gofal Plant neu Iechyd a Gofal Cymdeithasol fod yn ymwybodol bod y rhaglen yn gofyn i’r holl ddysgwyr sy’n gweithio gyda Phlant neu mewn Lleoliad Gofal gael archwiliad datgeliad manwl llawn (Gwasanaeth Datgelu a Gwahardd).
Beth fyddwch yn ei astudio?
Mae Bioleg Ddynol, Astudiaethau Gofal a Gwyddorau Cymdeithasol yn cael sylw fel pynciau mawr ar y cwrs hwn. Hefyd bydd yn ofynnol i chi astudio Rhifedd, Cyfathrebu a Sgiliau Astudio fel pynciau craidd gorfodol. Cynhelir tiwtorials personol wythnosol i gefnogi myfyrwyr drwy eu hastudiaethau.
Sylwer bod rhai llwybrau gradd angen cymwysterau ychwanegol (e.e. TGAU Mathemateg/Saesneg Gradd B), a hefyd y cymhwyster Diploma Mynediad i AU. Gwnewch yn siŵr eich bod yn cofrestru i’r ddarpariaeth briodol yn seiliedig ar eich llwybr gadael arfaethedig – mae posib trafod hyn gyda ni yn ystod eich cyfweliad os ydych yn dymuno.
Os nad oes gennych chi’r cymwysterau TGAU eisoes a bod angen y rhain ar gyfer y cwrs prifysgol rydych chi’n ei ffafrio, efallai y byddech yn hoffi ystyried ein cwrs cyn-Mynediad – Sylfaen Oedolion. Mae’r cwrs hwn ar gyfer y rhai sydd â phrofiad bywyd ac nid yw’n addas mewn gwirionedd ar gyfer ymgeiswyr iau nag 19 oed.
Gofynion mynediad
Mae TGAU Saesneg Iaith A\* - C yn hanfodol a rhaid darparu tystiolaeth cyn cofrestru. Cyfweliad a chanlyniad asesiad llwyddiannus - Lefel 1 mewn Mathemateg a Lefel 2 mewn Saesneg. Rhaid i ddysgwyr fod wedi gadael addysg lawn amser am dair blynedd cyn astudio'r cwrs hwn. DS: Mae gofyn i ddarpar ddysgwyr, sy'n Saesneg ail iaith, arddangos Sgôr IELTS o 6 (System Brofi Ryngwladol ar gyfer yr Iaith Saesneg) mewn Saesneg llafar ac ysgrifenedig yn ystod y broses ymgeisio.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
Mwy
Roedd y cyrsiau'n berffaith ar gyfer mynd i'r brifysgol...dosbarthiadau bach, cefnogaeth wirioneddol wych ac amgylchedd gwych i allu dysgu ynddo.
Rhagolygon Gyrfa ac Astudiaeth Bellach
Gall dysgwyr sy’n cwblhau’r cwrs hwn fynd ymlaen i astudio gradd mewn nyrsio neu fydwreigiaeth yn y brifysgol o’u dewis. Mae gan Goleg Caerdydd a’r Fro gysylltiad â Phrifysgol De Cymru (PDC) ac mae’n falch o gyhoeddi bod PDC yn cynnig cyfweliad gwarantedig ar gyfer y cwrs nyrsio yn y brifysgol i ddysgwyr sydd wedi cofrestru ar ein cwrs Mynediad i Nyrsio.