Mynediad i Astudio Pellach
Ynglŷn â'r cwrs
Mae ein llwybr Sylfaen Oedolion Lefel 2 yn ceisio dysgu cymwysterau i fyfyrwyr a fydd yn gwella eu cyfleoedd am swydd neu'n eu paratoi ar gyfer astudio ar Lefel 3. Mae'r rhaglen yma ar gyfer myfyrwyr aeddfed sydd â phrofiad o fywyd (o leiaf 2 blynedd allan o addysg lawn amser) a rhai cymwysterau blaenorol, a all fod ar raddau isel neu wedi'u sefyll amser maith yn ôl!
Beth fyddwch yn ei astudio?
Mae’r cwrs Sylfaen Oedolion yn gwrs blwyddyn dwys sy’n adeiladu ar y sgiliau presennol. Byddwch yn astudio Gwyddoniaeth, Gwyddorau Cymdeithasol, Mathemateg, Saesneg, TG a Sgiliau Astudio fel rhan o Ddiploma Sgiliau ar gyfer Astudiaethau Pellach Agored a byddwch hefyd yn cael cyfle i sefyll Saesneg a Mathemateg TGAU. Cynhelir tiwtorialau wythnosol i archwilio llwybrau datblygu ac i’ch cefnogi chi drwy eich astudiaethau.
Gofynion mynediad
Lefel 1 Llythrennedd a Rhifedd yn cael eu hasesu yn ystod y cyfweliad (cyfwerth â gradd D neu uwch TGAU). Mae angen i ddysgwyr fod wedi gadael addysg lawn amser ers dwy flynedd cyn astudio’r Cwrs hwn.
Addysgu ac Asesu
- Asesiad parhaus gan gynnwys traethodau, cyflwyniadau, profion yn y dosbarth ac arholiadau.
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Llawn Amser
Cod y cwrs
Cymhwyster
Cyfleusterau
.ashx?auto=format&fit=crop&crop=faces&w=480&h=240)
Mwy
Fe gefais i fy addysgu gartref o flwyddyn 7 ymlaen ac, o ganlyniad, 'chefais i ddim cymwysterau o gwbl. Roeddwn i'n gwybod bod rhaid i mi gael rhywbeth i gael swydd. Roedd fy nhiwtoriaid i i gyd yn gefnogol iawn ond rhaid i chi weld hyn drosoch chi eich hun, felly fe fyddwn i'n dweud wrthych chi am ddod draw i weld beth all y coleg yma ei wneud i chi.
Rhagolygon Gyrfa ac Astudiaeth Bellach
Ar ôl cwblhau’r cwrs hwn mae llawer o fyfyrwyr yn symud ymlaen i’n cyrsiau Mynediad sy’n rhoi cyfle i chi wneud cais ar gyfer y brifysgol. Mae myfyrwyr eraill yn gwneud cais am amrywiaeth o gyrsiau Lefel 3 a gynigir yn y coleg, yn ogystal â dilyn amrywiaeth o swyddi gyda’u sgiliau newydd.